Iwwersiicht: Produktiounsinformatiounen; Beschreiwung; Biller aus dem Film; Team; Trailer; Script; Photos; Press
Produktiounsinformatiounen
Premiere: 27.12.2014 am Ciné Sura.
Produktion: Richtung22; Luxemburg 2014
Dauer: ca. 90 min
Sprooch: lëtzebuergesch
Alter: Ab 12
Staatsgeheimnis – Keng Panik, näischt verfasst
Beweiser am Bommeleeër-Prozess? E Mëssel vun engem Minister? Oder nees wéinst dausende vu geleakten Dokumenter Stress mat der Press? Keng Panik, de Service des Étouffements luxembourgeois (SEL) huet alles ënner Kontroll.
“Staatsgeheimnis – Keng Panik, näischt verfasst” ass de Film vu Richtung22 zur Verfassungsreform. D’Thema ass trotz Dauer-Medienpräsenz vum Alex Bodry net präsent – an dat opwuel d’Regierung nach ugekënnegt huet, dat et zur “gréisster Debatt, déi d’Land je gesinn huet” komme géif. Als trei Unhänger*innen vun der Regierung huet Richtung22 sech souguer un Zäitplang vun der Regierung gehalen – Leider alleng. De Film ass fäerdeg, an d’Debatt fënnt net statt.
Lues gëtt kloer, dat ni wierklech geplangt a gewënscht wor, d’Bierger*innen um Prozess vun der Verfassungsreform ze bedeelegen. D’Regierung reduzéiert déi gesamt Reform op e puer lusch Referendumsfroen an waart op déi näechst Wahlen. Wëlle mer wierklech op d’Debatt ronderëm eis demokratesch Gronduerdnung verzichten? Dës Fro steet am Zentrum vun dësem Film. Et geet ëm de Chef vum Geheimdëngscht “SEL”, deen an enger fulminanter Verfolgungsjuegd duerch d’Verfassung versicht, Reformen ze verhënneren. Op eemol sinn eng ganz Rei Froen um Dësch iwwert déi ni hätt dierfen diskutéiert ginn: Wéi kéint een d’Wahlrecht reforméieren? Ass d’Monarchie nach zäitgeméiss? Firwat brauche mir e Staatsrot? Wéi eng Grondrechter stinn an der Verfassung? Wéi gëtt déi national Identitéit an der Verfassung definéiert?
Biller aus dem Film
Team
Trailer
Script
Grandduc: Ech sinn een Näischt. D’Lametta vun enger Natioun. Ech sinn en Anachronismus, dat 5. Rad um Won. Den Tabasco op enger Madelaine vum Lea Linster. De Kir royal op engem Kannergebuertsdag. Ech kann domat net liewen, wat soll ech nëmme maachen?
Grandduchesse: Tjo, häss de deemols virun e puer Joer net géint d’Euthanasie gemault, hätt ech lo eng Äntwert op deng Fro.
(SEL-Chef kennt ragerannt)
SEL-Chef: Kee beweegt sech. Wou ass déi Delegatioun?
Grandduc: Ech hunn et, ech muss rëm eng Kéier vu ganz vir ufänken. Ech maache rengen Dësch mat méngem bisherege Liewen, Tabula rasa!
SEL-Chef (genervt): D’Delegatioun, wou ass se?
Grandduchesse (fänkt un mat kräischen): Ech well d’Scheedung.
SEL-Chef: Wou ass déi… Mä Madame, mat allem Respekt, dir kënnt dach net…Staatgeheimnis
Komplette Script hei eroflueden (PDF) – Lizenz: CC BY-NC-SA
Making-Of Photoen
Photoen vum Tessy Troes.
Kritiken an der Press
“Interview Staatsgeheimnis” (100komma7, 28.12.2014)
“Tales of Disillusion” (Forum, 01.2015)
“Au coeur du système” (Land, 01.2015)
“Kunst muss politisch sein” (Woxx, 12.02.2015)
“Staatsgeheimnis – Keng Panik, näischt verfasst” (Tageblatt, 07.04.2015)
“Film „Staatsgeheimnis“ setzt sech mat Verfassung auserneen” (RTL, 12.04.2015)
“Film-Satire zieht Referendum durch Kakao” (L’essentiel 04.06.2015)
