Gérard Cravatte


Opféierungen

En Informatiounsspektakel iwwert déi spéit Kolonialgeschicht vum Kongo, den Diamantekonzern “Forminière” a säi Lëtzebuerger Direkter, den Gérard Cravatte.

Den 5., 6., 7., 8., an 9. Oktober 2021 um 20h00 am Théâtre du Centaure

XXX d’Virstellung den 5. Oktober ass ausverkaf. XXX

Reservéiert Är Gratis-Plazen elo séier per Mail: ticket@richtung22.org (COVID-Check Event)


Gérard Cravatte

De Kampf vun engem Lëtzebuerger géint d’Dekolonisatioun vum Kongo

De Gérard Cravatte ass den Lëtzebuerger Direkter vun der weltwäit bedeitenster Diamante-Mine, deen 1960 am Kongo d’Walen manipuléieren, Kanner bewaffnen, Attentater géint de Premier bezuelen, säin eegene Staat grënnen an d’Land an de Biergerkrich stierze wollt. An dat dunn och gemaach huet.

Am Archiv vu senger Firma zu Bréissel ass Richtung22 dem Gérard Cravatte op d’Spuer komm. Mat der Uneneenreihung vun de skandaléise Verbriechen vum Gérard Cravatte ass dëst satirescht Theaterstéck de Versuch een onbekanntent Kapitel lëtzebuerger Kolonialgeschicht opzeschaffen.

Längt: ca. 95min.
Sprooch: Lëtzebuergesch


Team

Gruppephoto Gerard Cravatte Richtung22

Schauspiller*innen: Bühn, Requisite, Kostüm
Felix Adams (Gérard Cravatte)
Julia Ariete (Colonel Dedeken)
Emilie Berg (Aimé Marthoz)
Lou Cames (Louis Wallef)
Anne Gillen (Dr. Haveaux)
Raphael Lemaire (A. Parmentier)
Manon Roukoz (Dominique Urbany)
Rick Schmitz (Eugène Schaus)
Gabriel_le Taillefert (Benoit Moritz)
Michelle Liesch ënnerstëtzt vum Kiki Salvador
Text a Recherche
Lars Schmitz, Gabriel_le Taillefert ënnerstëtzt vum Gabriel Pinto Monteiro
Luucht- an Tounregie
Alpha Muyizere
Design
Anne Gillen
Fotografie
Michelle Kleyr
Luuchtinstallatioun
Antoine Colla

Kampagne “Decolonize Luxembourg”

Dëst Theaterstéck ass Deel vun der Kampagne “Decolonize Luxembourg”, déi mir zesummen mat der Associatioun “LëtzRiseUp” lancéiert hunn fir ee Bewosstsinn fir déi Lëtzebuerger Kolonialgeschicht ze schafen.

Ugestouss gouf eis Kampagne duerch déi global Beweegung Black Lives Matter. An Europa gouf vu ville Mënschen an deem Kontext eng méi déif Ausernaanersetzung mat der europäescher Kolonialgeschicht gefuerdert fir d’Wuerzelen vu Rassismus a wirtschaftlecher Ausbeutung siichtbar ze maachen. Verantwortung iwwerhuelen heescht fir eis, eis aktiv mat der Täter-Roll vu Lëtzebuerg ausernaanersetzen an ze versichen d’Verbriechen opkläeren, déi vun Lëtzebuerger*innen begaangen goufen.

Mat enger Installatioun um Monument vum “Kolonialpionéier” Nicolas Cito zu Käerjeng hate mir eis Aktiounen 2020 lancéiert. Mat engem Tour Guidée mat 29 Etappen hu mir eis Recherche präsentéiert an déi vill verschidden Kapitel vun der Lëtzebuerger Kolonialgeschicht ugeschnidden. No dësem Theaterstéck, mat deem mer den Kampf vun engem Lëtzebuerger Firmendirekter géint d’Dekolonisatioun am Detail opzeechnen wëllen steet och nach eng Ausstellung am Casino am November 2021 un.


Pressespiggel

“Gérard Cravatte: Ein harter Brocken Kolonialgeschichte” (Culture.lu, 05.10.2021)