Iwwersiicht: Opféierungen; Beschreiwung; Team; Script; Photoen; Press
Opféierungen
En Informatiounsspektakel iwwert den Space Mining.
20., 21., 23., an 24. September 2016 am Théâtre du Centaure
Dem Etienne säi Weltraum
Lëtzebuerg 2016. Dat ganzt Land ass houfreg a kuckt gespaant an d’Stären. Eise Wirtschaftsminister Etienne Schneider mécht eis zur Space-Mining-Natioun. Och wa mir net selwer wäerten duerch d’Galaxien düsen, wäerten et awer eis Stempele sinn, déi op Exploitatiouns-Rechter vu sympathesche Konzerner wéi “Deep Space Industries” an “Planetary Resources” matfléien. Mir sinn et, déi dofir suergen, dass de begrenzte Raum deen déi frai Maartwirtschaft op der Äerd huet endlech ob den onbegrenzten Weltraum ausgeweit ka ginn. Mat der Erlaabnis vu Lëtzebuerg däerf lo alles, wat ursprénglech der UN no “der ganzer Mënschheet” zegutt komme sollt vu Google-, Amazon- a Virgin-Leit ofgebaut a matgeholl ginn.
An sengem drëtte Theaterstéck an der Serie “Onkritiséiert Knaschtereien aus Lëtzebuerg mat globalem Impakt” (No engem Stéck iwwert de Freeport an den Nationbranding) hëlt Richtung22 lo den “Space-Mining” op d’Bühn am Théâtre du Centaure. Am Stéck mam Titel “Luxembourg’s Private Space Explorevolutionary Superfancy Asteroid Tailoring” kommen souwuel eis Politiker*innen aus der Chamber, déi Vereenten Natiounen, déi national an international Press, déi innovativ Weltraumfirmen, eisen interplanetareschen Wirtschaftsminister a seng Beroder zu Wuert.
Team
| Schauspiller*innen: | Text |
|---|---|
| Natascha Ewert Anne Gillen Lisa Folschette Fabrice Hermann Raphael Lemaire Yannick Maurice Philippe Meyrer Roxanne Peguet Lars Schmitz Maurice Sinner |
Tessie Jakobs, Lars Schmitz, Maurice Sinner |
| Design | |
| Anne Gillen | |
| Luucht- an Tounregie | |
| Lucie Wahl | |
| Luucht | |
| Antoine Colla | |
Script
DSI: Etienne, eis gouf eppes versprach…
Schneider: Suen, braucht dir Suen, ma da sot dat dach direkt. Do ass bestemmt een Trick mat der ESA méiglech. Mir zweigen d’Letzebuerger Kontributioun un d’ESA einfach of, an investéieren déi öffentlech Gelder an är Projeten. Wéi kléngt dat? […] PR: Sue sinn just Symbolik, Etienne, mir komme wéinst eppes aneschtem. […] Et geet em de Geschäftsmodell vu Letzebuerg, de Grond firwat all Firma u Letzebuerg interesséiert ass.
Schneider: Ech komme grad net drop.
DSI: E Gesetz, Etienne, ee Gesetz.[…]Luxembourg's Private Space Explorevolutionary Superfancy Asteroid Tailoring
Komplette Script mat Quellen hei eroflueden (PDF) – Lizenz: CC BY-NC-SA
Photoen
Pressespiggel
“Richtung22 pas convaincu” (Quotidien, 12.09.2016)
“Tricksereien made in Luxembourg” (Wort, 21.09.2016)
“Onkritiséiert Knaschtereien aus Lëtzebuerg” (RTL, 29.09.2016)
“How a tax haven is leading the race to privatise space” (The Guardian, 15.09.2017)
