Iwwersiicht: Produktiounsinformatiounen; Beschreiwung; Biller aus dem Film; Team; Trailer; Script; Photos; Press
Produktiounsinformatiounen
Produktioun: Richtung22 – DeMonni Productions
Land: Lëtzebuerg 2013
Dauer: ca. 70 min
Sprooch: lëtzebuergesch
Alter: ab 12
Sitcom – De Film
Endlech hunn et e puer Jonker gepackt, dem brutalen Aarbechtsmarché bei der LIXO S.A. an de Spuerprogrammer vum Troika-President z’entkommen. Gedriwwe vum Wonsch hier Aarbechtskraaft just fir ee sënnvollt Zil hierzegin, landen si virun der Dier vum DeMonni, deem bekanntesten an aflossräichste Filmproduzent vum Filmland.
Dëse Film erméiglecht een exklusive Bléck hannert d’Kulisse vun der legendärer DeMonni-Productions, vun der mer schonn sou Meeschterwierker wéi “Den Dag un deem meng Elteren ze spéit heem komm sinn” an déi jonk an erfrëschend Sitcom “Eng mat der Pan” kennen. Tragescherweis waren d’Spuermesurë scho virun deene Jonken hei…
—
“Sitcom – de Film” ass de 4te Film vum Kollektiv Richtung22. No Äusenaanersetzunge mat Theme wéi der Schoulreform am Film “Ons Educatioun – De sëchere Wee” (2011) oder der Entwécklungshëllef am Film “Onst Gewëssen – Wat der net packt geet an Afrika” (2013), geet de Studéirendegrupp elo endlech mol virun der eegener Dier kieren a wendt sech an hirem rezenteste Projet dem Filmbusiness zou. Dat wéi gewinnt matt enger gudder Portioun Humor, satiresche Pointen an deem eenzegartege charmanten Dilettantismus, mat deem sech Richtung22 a vergaangene Joeren een Numm gemaach huet.
De Film kéint méi aktuell net sinn: eng Regierung, déi op Spuermesuren setzt an Kierzungen am Kultur-état duerchbrengt, Jugendaarbechtslosegkeet an prekär Aarbechtskonditiounen fir Jonker an eng lokal Filmindustrie, déi op mafiöse Strukture baséiert an sech selwer gären nach mat vill Schampes féiert. Kuerz virum Ufank vum „discovery-Zone“ Festival an dem „Lëtzebuerger Filmpräiss“ ass dëst d’Underground-Géigesteck zur neier Glamour-Szeen vu Lëtzebuerg.
Biller aus dem Film
Team
| Schauspiller*innen: | |
|---|---|
| Fabrice Bernard | Marc |
| Diego Borracci | Assistent |
| Jérôme Burelbach | Reinhold |
| Frédérique Colling | Kulturministesch |
| Mirka Costanzi | Lucia Spadi |
| Natascha Ewert | Sitcom-Groupie |
| Lea Fauth | RR Gitarristin |
| Mate Horvath | Sitcom-Groupie |
| Tessie Jakobs | Catherine |
| Julie Kieffer | Sophie |
| Anne Klein | Andy |
| Luc Lamesch | Buffi |
| Lara Mack | Hannah |
| Yannick Maurice | Granzi |
| Karin Moelee | Melusina |
| Jasmine Mohtashami | Carole |
| Anna Murazanova | RR Gitarristin |
| May Parnian | Rachel |
| Gabriel Pinto Monteiro | RR Background-Gei |
| Konstantin Rommelfangen | Moderator |
| Christoph Novak | Mataarbechter 3 |
| Manon Roukoz | Lena |
| Jacques Schiltz | DeMonni |
| Frederik Schlechter | LIXO-Agent Nr.1 |
| Tommy Schlesser | Jerry |
| Lars Schmitz | RR-Keyboard |
| Rick Schmitz | Joé |
| Tom Schmitz | Wirtsen Emil |
| Ben Schreiner | Assistent |
| Christian Schummer | Assistent |
| Maurice Sinner | Kevin |
| Dem Maurice seng Elteren | Dem Kevin seng Elteren |
| Gilles Seyler | Joseph |
| Chiara Sunnen | Sitcom-Groupie |
| Selma Weber | Lixo-Chefin |
| Statist*innen | |
|---|---|
| Beim Public Viewing dobäi | Géraldine Bosa, Lisa Bosa, Anne Gillen, Christian Gillen, Anne-Marie Goedert, Catherine Hoffmann, Monique Hoffmann, André Kemmer, Liliane Kleyr, Michelle Kleyr, Céline Kolb, Kelly Kosel, Nadine Kremer, Jessica Lagoda, Sven Lagoda, Nicola Magrini, Solange Majerus, Mira Pinto, Frank Schneider, Ruth Siebenaller, Melina Sinner, Naema Sinner, Jenny Spielmann, Nathalie Sunnen, Julie Thommes, Daniel Waxweiler |
Teaser
Script
DeMonni: Mee dir kënnt eise Budget net sou drastesch kierzen. Mir sinn hei net beim Gesondheetswiesen…
K-M: De Präsident fënnt, datt d’Kultur kompetitiv gi muss. Äer Projet’en viséiren ee winzege Publique, eng “Elite”, vun däer d’Hallschent schon ausgestuerwe ass an déi aner Hallschent schafft souwisou scho fir Iech. D’Regierung spillt also mam Gedanken, Kultur offiziel als Produit ze définéiren, an dee Secteur ze privatiséiren.
DeMonni: Da wiers du eng aarbechtslos Kulturministesch. Haha!
K-M: …Ënnert anerem. Mee ech hätt jo nach ëmmer de Ministère fir Wäibäu. Dir awer, an Är Kollege, wäerten net laang um Marché iwwerliewen.[…]Sitcom - De Film
Komplette Script hei eroflueden (PDF) – Lizenz: CC BY-NC-SA
Kritiken an der Press
“Jonk, dynamesch, kritesch” (Journal, 06.02.2014)
“Richtung22: Sitcom – De Film” (Eldo, 04.02.2014)
“Sitcom – De Film, e Studenteprojet” (RTL Radio, 12.02.2014)
