Iwwersiicht: Produktiounsinformatiounen; Beschreiwung; Biller aus dem Film; Team; Trailer; Script; Photos; Press
Produktiounsinformatiounen
Produktioun: Lëtzebuerg 2013
Längt: 67 min.
Sprooch: lëtzeguergesch
Onst Gewëssen – Wat dir net packt geet an Afrika
Eng schéin Buerg, e räiche Mann an awer net wierklech glécklech? Dogéint huet d’Marianne e Rezept fonnt: Mat enger Weltrettungs-Spendegala kämpft hatt, zesummen mat senge dräi beschte Frëndinnen géint déi eegen Langweil an géint dat kollektivt schlecht Gewëssen vun der westlecher Welt.
Un Weltrettung huet de Louis, dem Marianne säi Mann an Direkter vun der LETZEBANK nach net geduecht. Sou eng Spendegala géif dem Image vu senger Bank awer gutt doen. Kuerz drop sinn déi éischt Investitoune gemeet. Dem Marianne säi léif gemengten Initiativ hellt séier erstaunlech Formen un, an hatt stellt sech d’Fro, op dat mat der Weltrettung wierklech sou eng gutt Iddi wor.
Kontext
Op der Sich no direkten Konsequenzen vun der Finanz- a Wirtschaftskris ass de Grupp Richtung22 lo och zu Lëtzebuerg op risege Misère gestouss. Dowéinst probeiert “Onst Gewëssen – Wat der net packt geet an Afrika” mat sympathesche Biller un d’Freed vum alldeeglechen Luxus hinzeweisen an sou nees Zuversiicht an dëst veronsechert Land ze bréngen.
De Film verpasst et dann awer och net, mat arrogant erhuewenem Fanger un den Honger an den Armut an éischter suboptimal-entweckelte Länner z’erënneren. An et kann een souguer eppes leieren: All Lëtzebuerger kann duerch Spenden vun Iwwerwäiss-Knippercher eppes fir sai Gewëssen, an och direkt fir säin eegent Gewiicht maachen. Een flotten Owend mat liichter Ironie an Musek erwaart Iech.
Biller aus dem Film
Team
Trailer
Script
CLIENT: Gudde Moien! Däerf ech froe wat dir hei maacht?
TRIXIE: Mir verkafe Kuch!
VIVIANE: Fir hongereg Kanner. Also: ‘t ass fir e gudden Zweck!
MARIANNE: Mä et ass am Moment leider keen do.
CLIENT: Fir e gudden Zweck? Do géif ech mech herno awer selbstverständlech gär dru bedeelegen. Fir weieng hongereg Kanner ass et dann? Moment, loosst mech roden. Dei aus de Slums vu Rio?
MARIANNE: Nee.
CLIENT: Oder dei aus Bolivien, Lima, Mexiko-City? Oder Iwwerliewender vum Äerdbiewen an Haiti?
MARIANNE: (onsécher) Nee.
CLIENT: Stroossekanner aus Bangladesh? Guatemala? Indonesien?
MARIANNE: (nach méi onsécher) Nee.
CLIENT: Ehm, Kanner aus dem Éislék? Thierry-Fondatioun?
VIVIANE: Ma nee, et ass fir d’Negerkanner an Afrika natirlech.
MARIANNE: Moment emol Monsieur, dat ass dach schrecklech. Dir wäert mir dach net soen, datt op deene Plaatzen do iwwerall Kanner Honger leiden mussen?
CLIENT: (nach ëmmer gudder Laun) Dir wäert laache, mä dach!Onst Gewëssen - Wat dir net packt geet an Afrika
Komplette Script hei eroflueden (PDF) – Lizenz: CC BY-NC-SA
Making-Of Photoen
Photoen vum Tessy Troes.
Kritiken an der Press
“Making Of – Wat der net packt geet an Afrika” (MyWort, 27.03.2013)
“Den 3. satireschen Coup vun Richtung 22” (Eldo, 28.03.2013)
“Onst Gewëssen: Richtung 22” (RTL Tele, 03.04.2013)
“Un film, une discussion, un coup de pied dans la fourmilière” (Wort, 03.05.2013)
