Mir bleiwen. – Statement vu Richtung22, 30.04.2025
Zanter iwwer engem Joer versicht frEsch, eis aus eise Räim am Bâtiment 4 ze geheien. Ee Joer Stress, Drock, Ligen a Feindseelegkeet – an elo menacéiert frEsch eis mat engem Geriichtsprozess.
Wat sinn d’Motiver vun den eenzelne Membere vum frEsch-Verwaltungsrot? Laut Aussoe vun Ex-Membere vum frEsch-Verwaltungsrot goufen offiziell Grënn fir eise Rausworf praktesch net diskutéiert a scho guer net hannerfrot. Déi meescht Memberen vum Verwaltungsrot hu bis haut net mat eis geschwat, sinn nach ni bei eis an de Bâtiment 4 komm, hunn sech keen eegent Bild vun der Lag gemaach. Si kennen weder eis nach eis Aarbecht. Mee si sinn sech awer sécher: Richtung22 muss fort. D’Initiativ eis mat alle Mëttele lasszeginn geet zwar just vun eenzelne Leit aus – mee all aktuell Member vum CA ass Deel vun der Entscheedung.
Wäerte mir also geschwënn um Geriicht vis-à-vis vum Direkter vun der KuFa, der Direktesch vum Escher Theater, oder och vun der CUEVA-Grënnerin Daisy Wagner stoen? Firwat brénge sech Gemengebeamt*innen, alle virun d’Josée Hansen, an eng Situatioun, an der si an ee Geriichtsprozess géint jonk Kënschtler*inne verwéckelt gi wäerten? Wärend riets an oppe faschistesch Kräft uechter Europa och zum Schlag géint d’Kulturszeen aushuelen, gëtt zu Esch vu “liberalen” Kulturmënschen krampfhaft géint e grousst, aktivt, gutt verankert an oppen antifaschistescht Konschtkollektiv gekämpft. Wat fir Zeeche ginn hei gesat?
Et kann een dat wat mir soen, wat mir maachen a woufir mir stinn, kritiséieren, vun uewen erof kucken, lächerlech fannen, haassen a sech driwwer opreegen – sou Gefiller si vis-à-vis vu Konscht, déi eng Meenung vertrëtt, normal a wichteg. Mee am Verwaltungsrot vu frEsch si Leit dovunner iwwerzeegt, dass mir verschwanne sollen – dat ass eng Kulturpolitik, déi lénks Meenungen an der Konscht aktiv zenséiert.
Kloer, dass dat d’Motiv vum frEsch-Präsident, Event-“Kultur”-Schäffen a Steierhannerzéier Pim Knaff ass. Hien notzt seng politesch Muecht fir Kritiker*innen z’attackéieren. Dat ass zwar ganz problematesch, mee schéngt politesch am Zäitgeescht ze leien. Och de Loïc Clairet, dee souwuel der Press wéi sengem eegene Verwaltungsrot Ligen zerwéiert, ass konsequent. Ëmmerhin hu mir opgewisen, wéi hien Deeler vum Milliounebudget vu frEsch a säin Ëmfeld zu Lille schleist. Knaff a Clairet huele Richtung22 net op d’Geriicht, well mir d’Spull am B4 net gemaach hätten, mee fir dass si fräi Hand hunn.
Mee de Pim Knaff ass just eng vu ville Persounen am Verwaltungsrot, an de Loïc Clairet ass net mol Deel dovun. Wéi kënne frEsch-Membere wéi d’Mandy Ragni an d’Joëlle Pizzaferri hiert (Net-)Handelen politesch rechtfäerdegen? Firwat zéien d’Daliah Scholl an de Bruno Cavaleiro blann mat? Si suergen elo scho fir ee Feelstart fir déi Zäit nom laang erwaarte Récktrëtt vum Pim Knaff. Amplaz vu frëschem Wand bleift alles wéi et war – aus Angscht, Muecht ze verléieren, herrscht Apathie, Polemik an Onrou. Soll et wierklech éiweg esou weidergoen?
Mir soe kloer, dass mir kee Geriichtsprozess wëllen. Aner Léisungen si méiglech a besser fir all Mënsch. Mee mir loossen eis weder aschüchteren nach verdreiwen. A genee dofir hu mir entscheet: Richtung22 bleift am Bâtiment 4.
[EN] We are staying.
For over a year, frEsch has been trying to throw us out of our rooms in Bâtiment 4. A year of stress, pressure, lies and hostility – and now frEsch is threatening us with a lawsuit.
What are the motives of the individual members of the frEsch board of directors? According to statements by former members of the frEsch board of directors, the official reasons for our expulsion were practically not discussed and were not even questionned. To this day, most members of the board of directors still have not spoken to us, have never visited us in Bâtiment 4, and have not formed their own picture of the situation. They neither know us nor our work. But they are certain: Richtung22 must go. The initiative to get rid of us by any means only comes from individual people – but every current member of the board is part of the decision.
So will we soon be facing the director of KuFa, the director of the Escher Theater, or even CUEVA founder Daisy Wagner in court? Why are municipal officials, with Josée Hansen leading the way, getting themselves involved in a court case against young artists? While right-wing and openly fascist forces across Europe are also taking a swing at the cultural scene, in Esch, “liberal” cultural figures are fighting convulsively against a large, active, well-anchored and openly anti-fascist art collective. What kind of examples are being set here?
One can criticize what we say, what we do and what we stand for, look down on it, find it ridiculous, hate it and get upset about it – such feelings are normal and important when it comes to art that represents an opinion. But people on the frEsch board are convinced that we should disappear – these are cultural politics that actively censor left-wing opinions in the arts.
It is clear, that this is the motive of frEsch president, event “culture” manager and tax evader Pim Knaff. He uses his political power to attack critics. This is very problematic, but it seems to be politically in line with the times. Loïc Clairet, who lies to both the press and his own board, is consistent too. After all, we have shown how he is siphoning off parts of frEsch’s multi-million budget into his surroundings in Lille. Knaff and Clairet are not taking Richtung22 to court because we allegedly did not do the dishes in B4, but because they want to have free rein.
But Pim Knaff is just one of many people on the board, and Loïc Clairet is not even part of it. How can frEsch members like Mandy Ragni and Joëlle Pizzaferri politically justify their (non-)actions? Why are Daliah Scholl and Bruno Cavaleiro blindly following along? They are already ensuring a false start for the time after the long-awaited resignation of Pim Knaff. Instead of a fresh wind, everything remains as it was – for fear of losing power, apathy, polemics and unrest prevail. Should it really continue like this forever?
We would like to make it clear that we do not want a court case. Other solutions are possible and better for everyone. But we will not be intimidated or driven out. And that is precisely why we have decided: Richtung22 will remain in Bâtiment 4.
Pressespiggel
“„Lassen uns nicht einschüchtern“: Richtung22 verlässt Bâtiment4 nicht – frEsch schaltet Justiz ein” (Tageblatt, 30.04.2025)