Nodeems d’Philharmonie Luxembourg an engem Statement behaapt huet, de Concert vum Israel Philharmonic Orchestra (IPO) am November um Kierchbierg wier “strictement un événement musical, présenté dans un cadre exclusivement artistique” widderhëlt lo och de Kulturminister Eric Thill de Spin vum “exklusiv artisteschen Evenement”.
Dat ass Blödsinn. Et ass oninforméiert a kuerzsiichteg. Konscht existéiert net getrennt vun der Gesellschaft, vun der Aktualitéit a politesche Froen. D’Diskussioun iwwer “l’art pour l’art” sollt am 19. Joerhonnert gelooss ginn. Mat hirer Haltung demonstréieren de Minister an d’Philharmonie awer net just en absolut begrenzt Konschtverständnis an eng erschreckend Spiessegkeet, se ignoréieren och wéi d’Israel Philharmonic Orchestra sech selwer gesäit a wourëms et hei eigentlech geet.
An engem Beitrag fir d’Süddeutsche Zeitung lescht Joer beschreift de Chefdirigent vum IPO, de Lahav Shani, seng Haltung. Ouni op den Inhalt anzegoen: de Punkt vum Lahav Shani ass, dass seng Aarbecht net getrennt vun der Aktualitéit existéiert. Hien seet de Géigendeel vun deem, wat den Eric Thill an d’Philharmonie lo vun sech ginn. De Lahav Shani beschreift zum Beispill, dass et fir hien onméiglech wor d’Protester géint dem Netanjahu seng Justizreform z’ignoréieren an dass hien dës dowéinst och op der Bühn ugeschwat hätt. Hien plädéiert fir Fridden, Versönung a Frëndschaft, schwätzt awer och vu senger Aufgab, déi gespléckten israeelesch Gesellschaft zesummenzehalen. An der Lescht gouf hie kritiséiert a souguer ausgeluede grad well hie Stellung bezitt, sech dobäi awer op d’Duerstellung vum Leed vu Leit an Israel konzentréiert, zu enger Unitéit innerhalb vun Israel oprifft an et net fäerdeg bréngt, d’Krichsverbriechen, d’Mënscherechtsverstéiss an déi geziilt Vernichtung vun de Mënschen am Gaza ze benennen.
Och d’Israeli Philharmonic Orchestra huet ni gefuerdert “exklusiv artistesch” betruecht ze ginn, am Géigendeel. D’IPO bezeechent sech selwer als “Israel’s musical ambassador throughout the country and the world”. An hirer Selbstduerstellung ënnersträichen si zum Beispill, wéi si 1973 wärend dem Yom Kippur Krich fir déi israeelesch Zaldoten a besetze Gebitter opgetruede sinn. D’IPO gëtt, zu engem klengen Deel, direkt vum israeelesche Staat finanzéiert. Nach d’lescht Joer hunn si Concerten zesumme mam Orchester vun der Israeelescher Arméi (IDF) ginn a bedeelegen sech u Soft-Power Propaganda-Aktiounen, wéi dem “Global Hatikvah”. Basis vun esou Aktiounen ass och déi rassistesch Virstellung, dass de Staat Israel déi eenzeg “kultivéiert” Bastioun an der Regioun duerstelle géif. Dëst Bild soll an d’Welt erausgedroe ginn.
De Minister an d’Philharmonie schwätzen dovunner Diskussiounen z’erméiglechen a Brécken ze bauen: Wou erméiglechen si dann eng Diskussioun, wéi gëtt dann hei eng Bréck gebaut? Zu Lëtzebuerg schéngt et éischter, wéi wa keng Diskussioun iwwer de Rôle vum IPO stattfanne kéint. De Kulturminister fuerdert eng “kloer Trennung tëscht Konschtfräiheet a politescher Haltung” – e Saz, deen zwar vill Zeitungen ofgedréckt hunn, mee deen iwwerhaapt näischt heescht. D’Antriede fir Konschtfräiheet ass fir sech schonn eng politesch Haltung. An d’Konschtfräiheet erméiglecht et de Kënschtler*innen sech mat hirer Konscht politesch ze äusseren. D’Philharmonie ass fräi mat hirer Programmatioun och e politesche Message ze maachen – mee se soll eis net fir domm verkafen a sou maachen, wéi wann dat hei net geschitt wier.
D’Philharmonie huet sech entscheed, der IPO eng Bühn ze ginn. Geplangt ass weder eng Diskussioun, nach en anere Versuch de Concert an de Kontext ze setzen, et ass och keen Austausch geplangt. Am Géigendeel: d’Philharmonie dréit aktiv dozou bäi eng Normalitéit virzetäuschen, déi d’Realitéit, dass de Staat Israel Mënschen erhéngere léisst a Journalist*innen ëmbréngt, verdecke soll.
[EN]
After the Philharmonie claimed in a statement that the concert of the Israel Philharmonic Orchestra (IPO) in November on the Kirchberg was “strictement un événement musical, présenté dans un cadre exclusivement artistique,” the Minister of Culture Eric Thill now also repeats the spin of the “exclusively artistic event.”
That’s nonsense. It is uninformed and short-sighted. Art does not exist separately from society, from current events and from political questions. The discussion about l’art pour l’art should have been left in the 19th century. With their stance, the Minister and the Philharmonie are not only demonstrating an extremely limited understanding of art and a shocking narrow- mindedness, they are also ignoring how the Israel Philharmonic Orchestra views itself and what this is really about.
In an article for the Süddeutsche Zeitung last year, the IPO’s music directorLahav Shani described his position.
Without going into the content in detail: Lahav Shani’s point is that his work does not exist apart from current events. He says the exact opposite of what Eric Thill and the Philharmonie are now claiming. For example, Lahav Shani describes how it was impossible for him to ignore the protests against Netanyahu’s judicial reform, and how he therefore addressed them on stage. He advocates for peace, reconciliation, and friendship, but also speaks of his responsibility to help hold together Israel’s divided society. Recently, he has been criticized and even disinvited precisely because he takes a stance: while focusing on representing the suffering of people in Israel and calling for unity within Israel he is failing to name the war crimes, human rights violations, and annihilation in Gaza.
The Israel Philharmonic Orchestra itself has never demanded to be regarded as “exclusively artistic”. On the contrary.
The IPO describes itself as “Israel’s musical ambassador throughout the country and the world.” In its self-presentation it emphasizes, for example, how it performed in 1973 during the Yom Kippur War for Israeli soldiers in occupied territories. The IPO is, to a small extent, directly funded by the Israeli state.
As recently as last year, it performed concerts together with the orchestra of the Israeli Army (IDF) and participates in soft power propaganda initiatives such as the “Global Hatikvah.” The basis of such propaganda efforts is also the racist notion that the State of Israel represents the only “cultivated” bastion in the region—a narrative that is meant to be projected outward to the world.
The Minister and the Philharmonie talk about enabling discussions and building bridges: But where exactly is a discussion being enabled, where is a bridge being built? In Luxembourg, it rather seems as though no discussion about the role of the IPO is taking place at all. The Minister of Culture demands a “clear separation between artistic freedom and political stance”, a phrase printed by many newspapers, but one that ultimately means nothing at all. Advocating for artistic freedom is already a political stance in itself. And artistic freedom enables artists to express themselves politically through their art.The Philharmonie is free to make a political statement through its programming, but it should not take us for fools by pretending that this is not happening.
The Philharmonie has chosen to give the IPO a stage. No discussion is planned, no attempt to put the concert into context, no exchange at all. On the contrary: the Philharmonie actively contributes to creating a false sense of normality. One meant to cover up the reality that the State of Israel is starving people and killing journalists.
Pressespiggel
“Richtung22 widerspricht Eric Thill und Philharmonie” (Wort, 15.09.2025)
“Steinmeier würdigt Münchner Philharmoniker: Spontanes Konzert in Berlin nach Gent-Absage” (Abendzeitung München, 15.09.2025)