De Chamberspresident Fernand Etgen (DP) huet alleng der Onlinezeitung Journal (DP) fir d’Kopéiere vun e puer PDFen 30.000€ organiséiert. D'”Chambersbliedchen”, de schrëftleche Rapport vun deem wat am Parlament gesot gouf, fënnt een zwar och um Site vun der Chamber – mee do profitéiert jo keen dovunner an et soll professionell ausgesinn. Dofir suergt beim Journal dann eng Paywall.

Dat kéint elo als Korruptioun bezeechent ginn. Dat kéint an enger seriéiser Demokratie de Récktrëtt vum Parlamentspresident bedeiten. Mee mat der richteger moralescher Flexibilitéit kënnen och Koalitiounspartner*innen, Press, Oppositioun an Zivilgesellschaft hei eng éierbar Intentioun detektéieren.

De Fernand Etgen selwer erkläert dëse Virgank mam Argument: “mir däerfen eis den digitalen Netzwierker net verschléissen”. Et ass e Mehrwert fir d’demokratesch Participatioun (DP), wann eng eeschtzehuelend Zeitung d’Debaten hannert enger Paywall a Sécherheet bréngt.

Sou richteg modern ass d’Kopéiere vun engem PDF (1.600€) natierlech net. Dass grad de Journal, deen zanter kuerzem jo hipp, fresh a besse flashy (DP) ass, op dës stëbseg Publikatiounsform zeréckgräift ass erstaunlech.
Et wierkt esou, wéi wa si d’Aarbecht vun der Chamber guer net wierklech valoriséiere wollten. Dowéinst wëlle mir hëllefen. Mir hunn d’Chambersbliedchen als dynamesche Podcast vertount.

Well d’Kopéiere vu Fichiere vum Chamberssite duerch Radiostatiounen traditionell zu Perquisitiounen féiert, hu mir eis dozou entscheet hei direkt eng Rechnung matzeschécken, fir dass bei eis wéi jo och beim Journal dat kommerziellt Interessi kloer am Virdergrond steet.

Iwwersiicht vun den Themen an dësem Podcast:
01) ab 00:00 – Muss den Etgen nees schaffen?
02) ab 04:30 – Richtung22 encouragéiert d’Vollek
03) ab 09:20 – Logesch Reegelen fir dëse Weekend
04) ab 13:00 – Poetry Slam: Froen zum Déconfinement
05) ab 16:00 – Och d’Grand Duchesse ass een Affer
06) ab 22:35 – McKinsey an d’Gesondheet (vun der Wirtschaft)
07) ab 30:30 – D’Demokratie gëtt net déconfinéiert
08) ab 36:30 – CETA
09) ab 40:45 – Demokratie 2.0: Dem Luc Frieden seng Tasssssk Forssssss
10) ab 45:00 – D’Arméi gëtt gebraucht!
11) ab 50:10 – Den Asselborn appeléiert un d’Solidaritéit

Mir befannen eis ewell zanter 8 Wochen am état d’urgence, 8 Wochen ouni demokratesch Legitimatioun vun deenen Entscheedungen, déi d’Regierung an dëser Krise trëfft. An dëser Radiossendung gidd Dir gewuer, wat tatsächlech an deenen näechste Méint op Iech duerkomme wäert.

Iwwersiicht vun den Themen an dësem Podcast:
01) ab 00:00 – D’Police seet Merci!
02) ab 06:30 – Richtung22 an d’GD Charlotte encouragéieren d’Vollek
03) ab 08:30 – E Beotmungsgerät fir d’LSAP
04) ab 10:10 – Dem Serge Tonnar seng supper Initiative
05) ab 15:10 – Mir erkläeren den Etat d’urgence
06) ab 22:40 – Mir hunn den éischten réglement grandducale GELIES!!
07) ab 30:17 – Romanteschen Reportage mat eisen Deputéierten
08) ab 41:50 – Rubrik Liggepress
09) ab 51:25 – Den Nico Graf wor nees akafen
10) ab 53:50 – Hudd dir Symptomer?
11) ab 56:30 – Sachlech Äntwerten op pauschal Froen, déi nach ze brisant sinn fir gestalt ze ginn.

Léif Nolauschterinnen a Nolauschterer, mir wëllen iech matdeelen, dass dir net alleng sidd. Virun allem net alleng, wann de Virus net dat eenzegt ass, wat iech an dësen Zäiten Bauchwéih verursaacht. Oder de Kapp zerbrécht. Also haaptsaach kee Féiwer.

Dir sëtzt zanter Deeg dobannen aus Solidaritéit mat de Risikogruppen, gitt passiv-aggressiv vum Xavier Bettel ugemotzt a versicht den opdrénglechen Live-Tickeren (D'”Press”) aus dem Wee ze kommen? Mat dëser Sendung duerchbriechen mer zesummen den Schockzoustand an deem sech dat ëffentlecht Liewen zanter Wochen befënnt.

Als éischtes wëlle mer mat dëser Sendung deene vergiessenen Held*innen vun der Krise endlech méi Visibilitéit ginn. Nee, mir schwätzen hei net vu Leit aus Klinicken, Supermarchéen a Fleegeheemer an deenen déi doheem op d’Kanner oppassen. Dat si jo haaptsächlech Fraen déi souwisou Suen, Visibilitéit an Unerkennung vun all Balcon nogeschmass kréien. Mir schwätzen vun eiser Force Public, eisem Grand Duc an Allengherrscher a vun eisen daperen Députéierten, déi sech an d’Demokratie direkt mat isoléiert hunn. Mir schwätzen vum Serge Tonnar, deen dat ganzt Land alleng ënnerhale muss, vun RTL déi den Service Public iwwerhëllt wann et drëms geet genee dee richtegen Level vu Panik ze verbreeden a mir schwätzen vum Fred Keup an aneren rietsextreme Kräft, déi sech am Etat d’urgence op ee mol verstaanen a puddelwuel spieren.

Mee eis Sendung huet och een onseriöt Uleies: Mir wëllen iwwer de Wäert vun der Demokratie schwätzen. Dass eis Politik den Rechtsstaat beim éischten Houscht iwwer Bord geheit huet fanne mir problematesch.

Mam Etienne Schneider verléiert eise Konschtkollektiv Richtung22 eng essentiell Inspiratiounsquell. Dofir hu mir eis entscheed dësem Visionär eng leschte Kéier eng Sendung ze widmen an op seng desastréis Karriär zeréckzeblécken. Mir hunn een Best-Of mat 10 Fails mam Etienne Schneider zesummegestallt.

Mir wäerten bei all deene Fäll, déi mer behandelen, ëmmer nees dat nämlecht Muster erkennen: Den Etienne Schneider leent sech (ze) wäit aus der Fënster, kritt dofir Unerkennung an mécht sech dann aus dem Stëpps ier dass d’Konsequenzen vu senge Projeten ze spieren sinn. Et ass eng Geschicht vu Skandaler, déi keng Skandaler gi sinn, well d’Ëffentlechkeet, d’Press an d’Oppositioun net fäheg woren vis-a-vis vun engem skrupellosen Egoman wéi dem Etienne Schneider opzestoen.

Den Jaston Marleyen wor gestuerwen, scho viru siewe Joer, kuerz nodeems hien als Deputéierten zeréckgetrueden wor – op senger Plaz souz elo den Fredenezer Skreup.

Lauschtert hei nach eng Kéier d’Chrëschtdagsgeschicht vu Richtung22, eng Adaptatioun vum Charles Dickens sengem “Christmas Carol”. Dräi Geeschter besichen den Fredenezer Skreup a senger Schlofkummer zu Mamer a weisen him seng Vergaangenheet, d’Géigewaart zu Lëtzebuerg an d’Zukunft vum Land.

Eng gruseleg Geschicht déi am kommende Joer Realitéit gi kéint.

Thema vun der R22-Sendung dëse Mount ass de Journalismus zu Lëtzebuerg. Donieft rifft och de Fred Keup an d’Sendung un an den DJ JC Hollerech mécht sech Gedanken iwwert seng Zukunft am Vatikan. Am zweeten Deel vun der Sendung analyséieren mir dat desastréist Scheiteren vun der Press bei der Beriichterstattung iwwer d’Weltausstellung zu Dubai 2020.

Hannergrënn

Wéi ee Notzen huet eng “divers” Presselandschaft wann bei wichtege Sujeten zur Aussepolitik, Grondrechter a Wirtschaft all gréissert Medium hei am Land de Pressecommuniqué vun der Regierung kopéiert? An Beriichterstattung iwwer d’Expo 2020 gëtt systematesch de Framing vun der Regierung iwwerholl.

Fir dës Sendung hu mir zwee Momenter an der Beriichterstattung iwwer Dubai analyséiert.

a) Éischte Spuetstéch (ab 28:30)
Fir d’éischt de Moment vum éischte Spuetstéch fir de lëtzebuerger Pavillon, den 29.04.2018 zu Dubai. Zum gläichen Zäitpunkt probéieren d’VAE, déi am Yemen Krich féieren, entgéint dem Vëlkerrecht eng Insel z’annektéieren [1] [2]. Am nämmlechte Moment kënnt de Beriicht iwwer d’Folterung vum prominentesten politeschen Gefaangenen an den VAE un d’Effentlechkeet [1] [2]. An zum gläichen Moment sëtzt zu Lëtzebuerg ee Mann op Wonsch vun den VAE am Prisong, deen der Prinzessin Latifa vun Dubai beim Versuch gehollef huet vun hierem tyrannesche Papp fortzelaafen.

– “Erster Spatenstich für den luxemburgischen Pavillon für die EXPO 2020” Communiqué vun der Regierung
– “Expo 2020 Dubaï : la construction du pavillon luxembourgeois lancée” Le Quotidien
– “EXPO 2020: premier coup de pelle du pavillon luxembourgeois à Dubaï” wort.lu
– “Top départ pour le pavillon à Dubaï” Paperjam
– “Le chantier du pavillon luxembourgeois est lancé” RTL 5 minutes

b) Pressekonferenz Maggy Nagel (ab 47:20)
Deen zweete Moment, deen mir analyséieren ass eng Pressekonferenz vum Maggy Nagel am Juni 2019. Och hei kopéiert d’Press de Framing vun der Regierung a verzicht komplett op Recherche, kritesch Nofro a fällt op déi vun den VAE opgestallten Fal ronderëm d’Fro vun den Aarbechtsrechter an den Emirater ran.

– “La présence luxembourgeoise à l’Expo 2020 Dubai se concrétise” Richtung22 Radiosendung November 2019

Thema vun der R22-Sendung dëse Mount ass de Journalismus zu Lëtzebuerg. Donieft rifft och de Fred Keup an d’Sendung un an den DJ JC Hollerech mécht sech Gedanken iwwert seng Zukunft am Vatikan. Am zweeten Deel vun der Sendung analyséieren mir dat desastréist Scheiteren vun der Press bei der Beriichterstattung iwwer d’Weltausstellung zu Dubai 2020.

Hannergrënn

Wéi ee Notzen huet eng “divers” Presselandschaft wann bei wichtege Sujeten zur Aussepolitik, Grondrechter a Wirtschaft all gréissert Medium hei am Land de Pressecommuniqué vun der Regierung kopéiert? An Beriichterstattung iwwer d’Expo 2020 gëtt systematesch de Framing vun der Regierung iwwerholl.

Fir dës Sendung hu mir zwee Momenter an der Beriichterstattung iwwer Dubai analyséiert.

a) Éischte Spuetstéch (ab 28:30)
Fir d’éischt de Moment vum éischte Spuetstéch fir de lëtzebuerger Pavillon, den 29.04.2018 zu Dubai. Zum gläichen Zäitpunkt probéieren d’VAE, déi am Yemen Krich féieren, entgéint dem Vëlkerrecht eng Insel z’annektéieren [1] [2]. Am nämmlechte Moment kënnt de Beriicht iwwer d’Folterung vum prominentesten politeschen Gefaangenen an den VAE un d’Effentlechkeet [1] [2]. An zum gläichen Moment sëtzt zu Lëtzebuerg ee Mann op Wonsch vun den VAE am Prisong, deen der Prinzessin Latifa vun Dubai beim Versuch gehollef huet vun hierem tyrannesche Papp fortzelaafen.

– “Erster Spatenstich für den luxemburgischen Pavillon für die EXPO 2020” Communiqué vun der Regierung
– “Expo 2020 Dubaï : la construction du pavillon luxembourgeois lancée” Le Quotidien
– “EXPO 2020: premier coup de pelle du pavillon luxembourgeois à Dubaï” wort.lu
– “Top départ pour le pavillon à Dubaï” Paperjam
– “Le chantier du pavillon luxembourgeois est lancé” RTL 5 minutes

b) Pressekonferenz Maggy Nagel (ab 47:20)
Deen zweete Moment, deen mir analyséieren ass eng Pressekonferenz vum Maggy Nagel am Juni 2019. Och hei kopéiert d’Press de Framing vun der Regierung a verzicht komplett op Recherche, kritesch Nofro a fällt op déi vun den VAE opgestallten Fal ronderëm d’Fro vun den Aarbechtsrechter an den Emirater ran.

– “La présence luxembourgeoise à l’Expo 2020 Dubai se concrétise” clean No no no 1:00:00 admin https://richtung22.org/035-de-letzebuerger-klimawandel/ Thu, 27 Jun 2019 16:02:39 +0000 admin http://richtung22.org/?p=1866 Klima Richtung22 Radiosendung Juni 2019

Dat ganzt Land trauert. Den Premierminister trauert, d’Regierung an d’Regierungsparteien, d’Press an mir natirlech och. An eisem Trauerprogramm geheie mer ee Bléck an de gutt gefëllte CV vum Verstuerwenen, iwwerpréiwen op all d’Presseorganer brav mattraueren a lauschteren d’Lidder, déi dem Jean gewidmet goufen.

Och mir ёnnerstёtzen Monarchie, Politik a Press dobäi fir den Dout vun engem 98-jähregen Adlegen aus enger Multimilliardärsfamill zum emotionalsten Moment vum Joer ze maachen. Emmerhin geet et hei dorёms Reklamm fir eist Land ze maachen an d’Legitimatioun vun der Monarchie duerch eng filmräif Inszenéierung vun hierem Privatliewen z’erhalen.