Ass d’Press prett fir d’Space Mining Gesetz?

De Projet vum Space Mining zu Lëtzebuerg ass och ee Beispill vum komplette Versoen vun der Press. Schlussendlech huet sech de Story-Telling vun der US-amerikanescher Lobby, deen déi lëtzebuergesch Regierung iwwerholl huet, och an de Medien festsetze kënnen.

An enger Mëschung tëschent fachlecher Iwwerfuerderung, onkorrekter Aarbecht, blannem Vertrauen an offensichtlecher Parteiegkeet beriichten RTL, Tageblatt, Wort, Paperjam, Essentiel etc. iwwert de Space Mining an loossen déi vun Industrie a Regierung gewollten Euphorie an Zoustëmmung an der Gesellschaft opkommen, déi fir d’Duerchwénken vun dësem Projet néideg ass.

Richtung22 huet sech a sengem bekannt iwwerhieflech-arrogantem Tounfall un d’Press geriicht, fir duerch kontinuéierlech Belästegung een Emdenken ze provozéieren. Bis elo huet dat nach net geklappt.

Prett fir d'Space Mining Gesetz? (10.11.2016)
Mail-Leak: Sou ass den Space-Mining-Deal zustaane komm (04.11.2016)