Lëtzebuerg kritt e Maskottchen

Um “Creathon” soutzen kreativ Käpp zesumme fir eisem Land eng nei visuell Identitéit ze verschafen. Den Nation Branding ass eng vun de Prioritéiten vun eiser Regierung (mat entspriechender finanzieller Ennerstëtzung, wat een glécklecherweis virun allem um Buffet vum Creathon mierkt).

Richtung22, e jonke Kollektiv vun PR-Beroder*innen, ass natierlech mat op der Plaz fir dem Land dësen Déngscht z’erweisen.

“D’Zil vun dësem Creathon ass et, Lëtzebuerg méi sympathesch ze maachen, eben ouni eppes ze änneren” sou de Propagandaspezialist Maurice vun R22. “Amplaz also mat lächerlechen Oflenkungsmanöver d’Identitéit vum Land als sécheren Hafen fir Supperräicher a Konzerner ze verstoppen hu mer eis iwwerluecht, dat ee roueg op dëse Bad-Boy-Image setzen an houfreg drop si kann. Et ginn ëmmerhin net sou vill Länner, déi z.B. IKEA beim Spuere vun 1 Milliard Steiere gehollef hunn”.

Lëtzebuerg kritt dowéinst lo ee Maskottchen, de Këschti, déi frëndlech Bréifkëscht. De Këschti a säi Frënd de Ruly, de sympatheschen Tax-Ruling, hëllefen wou se nëmme kënnen.

Hei fannt Dir den offizielle Präsentatiounsvideo:


De Creathon

Le Comité Nation Branding invite à porter un regard multidisciplinaire sur l’identité du Luxembourg et souhaite rassembler des profils très différents pour innover sur la question lors d’un weekend créatif.

Ouverture, dynamisme, fiabilité. Ces trois valeurs de référence du Luxembourg sont le résultat d’un processus participatif auquel a contribué l’ensemble des acteurs de la société luxembourgeoise. Comment traduire en symboles l’identité du Luxembourg? Le pays a-t-il besoin d’exprimer ses valeurs à travers un nouveau logo? Ou plutôt d’un slogan pour exprimer en mots sa personnalité?[…] Ministère de l'Économie

Oppen an partizipativ – sou kenne mer eis Regierung jo. Richtung22 huet et sech beim Opruff vum Economies-Ministère fir matzehëllefen dem Land eng (nei?) Identitéit ze verschafen natirlech net fléiwe gelooss. Mir hunn eis ugemellt an duerfte matmaachen.

R22-Bewerbungsmail fir de Creathon

Um Creathon vum lëtzebuerger Nation Branding gouf laang diskutéiert, Zil wor et “sympathesch ginn, ouni eppes ze änneren”. Dëst Resultat mécht all Mënsch glécklech. Lëtzebuerg kritt e Maskottchen.



Pressespiggel

“Ee Maskottche fir Lëtzebuerg” (100komma7, 06.03.2016)
“Nation Branding Lëtzebuerg: Créathon” (RTL, 05.03.2016)
“The Creathon has delivered the first leads to express the differentiating characteristics of the country” – Presentatioun vum Këscht ab Minutt 13:00 (Public.lu, 02.10.2016)