Méi Kënschtlerinnen – Reforméiert de Programm!

Plakater mat kenschtlerinnen um FraenstreikMir fuerderen, dass 50% vun deene Konschtschaffenden um Premièresprogramm vun de Konschtsektioune Frae sinn – aktuell sinn et der 5,6%.

Aktuell gi ganzer dräi Kënschtlerinnen am Konschtgeschichtsprogramm ob der Première E behandelt. Dat si 5,6% Kënschtlerinnen an 94,4% Kënschtler. Mir fuerderen, dass 50% Fraen an der Konschtgeschicht behandelt solle ginn, an zwar net am Kontext vun der Muse, der Duerstellung, der Interpretatioun oder als Partnerin, Affär oder Mamm, mee als schaafend Kënschtlerin.

Wou sinn d’Fraen? Wou sinn d’Kënschtlerinnen, d’Konschthistorikerinnen, d’Schrëftstellerinnen an d’Wëssenschaftlerinnen? Baséierend op feministescher Konschtgeschicht weise mir, dass Frae schonns ëmmer wesentlech méi schlecht Viraussetzungen hate fir sech der Konscht widmen ze kënnen. Dass sou wéineg Kënschtlerinnen an der Schoul Virbiller si weist d’ongläich Viraussetzunge déi och nach hait bestinn. Déi gutt Noriicht ass: Et ginn immens vill Kënschtlerinnen, se gi just net thematiséiert an och wann se immens wichteg waren (a sinn), ginn se einfach “vergiess”.


zenseiert gesiichter vu kenschtlerinnen

An eisem Heft sti méi Fraennimm wéi am ganze Lycéesprogramm.

Fir deem Phänomen entgéint ze wierken, hu mir do mol bëssen nogehollef a weisen, wéi sou ee Konschtgeschichtsprogramm kéint ausgesinn. Mir hunn dowéinst eng Kampagne mam Zil lancéiert, de Programm ze änneren. Mir wennen eis domat un den Educatiounsministère, un d’Schoulen an d’Proffen – mee virun allem un d’Schüler*innen!

Op der Strooss beim Fraenstreik, haut am Lycéesprogramm: Mir Fraen huelen eis déi Platz déi eis verweigert gouf a wäerten eis Virgängerinnen net vergiessen a net vergiesse loossen.

Eisen “Zine” (Kuerzform vu Magazine) kann och hei rofgeluede ginn.


D’Grondiwwerleeungen fir d’Kampagne

Hei eng Rei Texter aus eisem Zine, fir op d’Inhalter vun eiser Kampagne anzegoen. Mir si souwuel theoretesch virgaangen, fir d’Hannergrënn vum “Mangel” vu Fraen an der Konschtgeschicht ze beliichten, wéi och praktesch andeems mer eng konkret Lëscht als Géigevirschlag zum aktuelle Programm ausgeschafft hunn déi direkt iwwerholl gi kéint.

Introtext / Fuerderungen
Den aktuelle Schoulprogramm vun der Première E (section éducation artistique)
Firwat ginn et keng bedeitend Kënschtlerinnen?
Eng ausgeglachen Alternative fir de Schoulprogramm

Virschlag Kënschtlerinnen


palakt mat kenschtlerinnen um fraenstreik